ਵਿਰਾਟ ਲਈ ਵੱਡਾ ਖਤਰਾ ਬਣੇ ਟੀਮ ਇੰਡੀਆ ਦੇ 8 ਖਿਡਾਰੀ

ਨਵੀਂ ਦਿੱਲੀ – ਟੀਮ ਇੰਡੀਆ ਨੇ ਇੰਗਲੈਂਡ ‘ਚ ਟੀ-20 ਸੀਰੀਜ਼ ਜਿੱਤ ਲਈ ਹੈ, ਉਸ ਨੇ ਪਹਿਲਾ ਵਨ ਡੇ ਵੀ ਆਪਣੇ ਨਾਂ ਕੀਤਾ ਪਰ ਸ਼ਨੀਵਾਰ ਨੂੰ ਲਾਰਡਜ਼ ‘ਚ ਖੇਡੇ ਗਏ ਦੂਜੇ ਮੁਕਾਬਲੇ ‘ਚ ਉਸਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਟੀਮ ਇੰਡੀਆ ਦਾ ਇੰਗਲੈਂਡ ਦੌਰੇ ‘ਤੇ ਪ੍ਰਦਰਸ਼ਨ ਹੁਣ ਤੱਕ ਚੰਗਾ ਰਿਹਾ ਹੈ ਪਰ ਸਹੀ ਮਾਈਨੇ ‘ਚ ਦੇਖੀਏ ਤਾਂ ਭਾਰਤੀ ਟੀਮ ਨੂੰ ਇਹ ਜਿੱਤ ਸਿਰਫ 2 ਜਾਂ 3 ਖਿਡਾਰੀਆਂ ਦੀ ਵਜ੍ਹਾ ਨਾਲ ਮਿਲ ਰਹੀ ਹੈ। ਇੰਗਲੈਂਡ ਦੇ ਖਿਲਾਫ ਹੁਣ ਤੱਕ ਵਿਰਾਟ, ਰੋਹਿਤ ਨੇ ਬੱਲੇਬਾਜ਼ੀ ਅਤੇ ਕੁਲਦੀਪ ਯਾਦਵ ਨੇ ਗੇਂਦਬਾਜ਼ੀ ‘ਚ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਬਾਕੀ ਸਾਰੇ ਖਿਡਾਰੀਆਂ ਨੇ ਟੀਮ ਨੂੰ ਨਿਰਾਸ਼ ਹੀ ਕੀਤਾ ਹੈ। ਸ਼ਿਖਰ ਧਵਨ ਟੀ-20 ਸੀਰੀਜ਼ ‘ਚ ਫਲਾਪ ਰਹੇ। ਇਸਦੇ ਬਾਅਦ ਪਿਛਲੇ ਦੋ ਵਨ ਡੇ ਮੈਚਾਂ ‘ਚ ਉਨ੍ਹਾਂ ਨੇ ਸ਼ੁਰੂਆਤ ਜ਼ਰੂਰ ਮਿਲੀ ਅਤੇ ਉਨ੍ਹਾਂ ਨੇ ਦੋ ਤੇਜ਼ ਪਾਰੀਆਂ ਖੇਡੀਅ ਪਰ ਉਨ੍ਹਾਂ ਨੂੰ ਉਹ ਵੱਡੇ ਸਕੋਰ ‘ਚ ਤਬਦੀਲ ਨਹੀਂ ਕਰ ਸਕੇ। ਕੇ.ਐੱਲ. ਰਾਹੁਲ ਨੇ ਇੰਗਲੈਂਡ ਖਿਲਾਫ ਟੀ-20 ਮੈਚ ‘ਚ ਸੈਂਕੜਾ ਲਗਾਇਆ ਅਤੇ ਉਸਦੇ ਬਾਅਜ ਤੋਂ ਉਨ੍ਹਾਂ ਦਾ ਬੱਲਾ ਖਾਮੋਸ਼ ਰਿਹਾ। ਧੋਨੀ ਅਤੇ ਰੈਨਾ ਨੂੰ ਜ਼ਿਆਦਾ ਮੌਕੇ ਮਿਲੇ ਨਹੀਂ। ਹਾਰਦਿਕ ਪੰਡਯਾ ਨੇ ਬੱਲੇਬਾਜ਼ੀ ‘ਚ ਚੰਗਾ ਹੁਨਰ ਦਿਖਾਇਆ ਹੈ ਪਰ ਗੇਂਦਬਾਜ਼ੀ ‘ਚ ਉਹ ਦੌੜਾਂ ਲੀਕ ਕਰ ਰਹੇ ਹਨ। ਇਕ ਪਾਸੇ ਜਿੱਥੇ ਕੁਲਦੀਪ 14 ਵਿਕਟ ਲੈ ਚੁੱਕੇ ਹਨ ਉੱਥੇ ਯੁਜਵੇਂਦਰ ਚਾਹਲ ਬੇਅਸਰ ਸਾਬਤ ਹੋ ਰਹੇ ਹਨ। ਉਮੇਸ਼ ਯਾਦਵ, ਸਿਧਾਰਥ ਕੌਲ ਦੀ ਤਾਂ ਪੁੱਛੋ ਹੀ ਨਾ,ਦੋਵਾਂ ਗੇਂਦਬਾਜ਼ਾਂ ਦੀ ਜੇਸਨ ਰਾਏ ਅਤੇ ਜਾਨੀ ਬੇਅਰਸਟੋ ਨੇ ਕਲਾਸ ਲਗਾ ਰੱਖੀ ਹੈ। ਮੇਕ ਇਨ ਬਲੂ ਇਕ ਟੀਮ ਪ੍ਰਦਰਸ਼ਨ ਦੇਣ ‘ਚ ਨਾਕਾਮ ਜਹੀ ਰਹੀ ਹੈ। ਮੰਗਲਵਾਰ ਨੂੰ ਲੀਡਰਜ਼ ‘ਚ ਹੋਣ ਵਾਲੇ ਤੀਜੇ ਵਨ ਡੇ ਮੈਚ ‘ਚ ਭਾਰਤੀ ਟੀਮ ਨੂੰ ਹਰ ਹਾਲ ‘ਚ ਬਤੌਰ ਟੀਮ ਚੰਗਾ ਪ੍ਰਦਰਸ਼ਨ ਕਰਨਾ ਹੋਵੇਗਾ, ਨਹੀਂ ਤਾਂ ਇੰਗਲਿਸ਼ ਟੀਮ ਨੂੰ ਰੋਕਣਾ ਮੁਸ਼ਕਲ ਹੋਵੇਗਾ ਅਤੇ ਵਨ ਡੇ ਸੀਰੀਜ਼ ਹੱਥ ‘ਚੋਂ ਨਿਕਲ ਜਾਵੇਗੀ।